دور بالتفصيل

اكتب موقفك


الاسم :
القسم :
النوع؟ :
نبعتلك رساله لما موقفك ينزل؟

القسم: مواقف قديمه

مواقف: كل الاوقات | النهارده بس | الاسبوع ده | الشهر ده | السنه دى

مره، راجع انا وصحابى ف المترو الساعه 4 و الجو حر و الواحد تعبان و مفيش مكان و حاجه تقرف، قام واحد هينزل، طبعا ماصدقت، وقعدت ولسه مكملتش وركب من نفس المحطه راجل اعمى لابس نضاره سوده كده، وانا كنت فى وش الباب، قلت يلا مفيش نصيب نتنيل نرتاح شويه وقمت و قلتلو اتفضل يا حاج اقعد، قعد الراجل و طلع ورقه كده ملونه وشايفه بيمشى صوابع ايده عليها، قولت سبحان الله دى اكيد طريقه برايل وانا واقف منبهر، وفجاه ابن الجزمه قلع النضاره وبص من الشباك وقال ايه ده دى محطه الاوبرا وضحك وضرب الورقه فى جيبو ونزل، A7A

(0) A7san - (1) A7A

Feb 23, 3112 01:29 PM - مواقف قديمه - كتبو kafkaf808

التسجيل

مره، كنت واقف تحت البيت انا و 4 صحابي عدى شحات راح واقف قدامنا وعدنا واحد واحد، راح قايلنا انتو خمسه صح قولناله ايوة قالنا لو كل واحد فيكم طلع 5 جنيه هيبقو 25 جنيه حلوين اوى اروح بيهم بدل اللف ف الجو ده وانا زى ابوكو برضو، A7A

(0) A7san - (2) A7A

Feb 23, 410 01:29 PM - مواقف قديمه - كتبو mido

التسجيل

مره, كنت راكب ميكروباص اول ما ركبت لقيت السواق مشغل شريط دينى والشيخ بيتكلم عن يوم القيامة وبينصح بالتوبة وكدا والسواق فضل فترة قاعد بيسمع بهدوء وتركيز، فجأة كدا لقيته وقفه وشغل اغانى شعبى وفرحان، A7A

(3) A7san - (1) A7A

Feb 23, 8671 01:29 PM - مواقف قديمه - كتبو No More b2a

التسجيل

مره، روحت اشتري بطيخه فطلعتلي واحده ايه هوووف بقولها بكام الكيلو قالتلي بجنيه ونص قولتلها انتوا غاللين اوي كده ليه قالتلي احنا غاليين برضه داحنا حلوين اوي كلمه من هنا علي كلمه من هنا وانا عايش معاها وهي شغاله هئ ومئ وشخاليل فجاه لقيت ابوها طالع من وراها وقالها خشي جوه يابت ايوه يااستاذ اي خدمه قولتله بكام البطيخ قالي بجنيه ونص قولتله لا غالي وروحت سايبه وماشي، A7A

(3) A7san - (3) A7A

Feb 23, 5033 01:29 PM - مواقف قديمه - كتبو M.A.A

التسجيل

مره، كنت ماشي انا و واحد صاحبي فقابلنا واحد تاني صاحبنا بس كذااب اوي, فبنقوله انت فين يا معلم محدش بيشوفك ليه؟, قالنا اصلي كنت مشغول بخلص ورق جواز السفر عشان مسافر لبنان، فانا قولتلوه انت مش هتبطل كذب بقي ياله؟؟, قالي عيب عليك ياعم دانا مسافر السبت الجاي والله وهتوحشوني وقعد يحضن فينا وبتاع، المهم قابلته بعد يوم السبت ده بيومين تلاته لاقيته جاي بيجري عليا وبيقولي حبيب قلبي انت جيت لبنان امتي، A7A

(4) A7san - (19) A7A

Feb 23, 812 01:29 PM - مواقف قديمه - كتبو sa3d

التسجيل

مره، كنت اعرف بنت علي الفيس المهم جت في مره بتقولي شوفت البوست اللي انا منزلاه علي الوال بتاعي قولتلها لا قالتلي روح شوفه واكتبلي كومنت المهم شفته ولقيته حب وبتاع قولت بقي في دماغي البت بتلمح وواقعه ولا ايه المهم بسالها اكتبلك كومنت ليه قالتلي عشان حبيبي يتغاظ ويغير، A7A

(2) A7san - (27) A7A

Feb 23, 8881 01:29 PM - مواقف قديمه - كتبو salama

التسجيل

مره , كنت في السينيما مع صاحبتي و في الأستراحة رحت الWC ، المهم لما دخلت الكابينة لقيت اللي في اللي جنبي بيقول : ازيك !! عامل اييه، قلتله الحمد لله تمام، هو : اخبار الثورة الهبلة بتاعتكم دي ايه، انا : احترم نفسك يا .. هو : انت عبيط ياض ؟ ، انا : انت اللي ابن .... علق .. هو استني و النبي يا محمد احسن الحمار اللي في الكابينة اللي جنبي فاكرني بكلمه هو , A7A

(48) A7san - (31) A7A

Feb 23, 4727 01:29 PM - مواقف قديمه - كتبو matrix re

التسجيل

مره , كنت رايح المدرسه الصبح فركبت تاكسى (انا معايا بلاك بيرى ) التليفون رن فطلعته لقيت السواق بيقول بلاك بيرى ده قلتله لا ده صينى لقيته مره واحده دخل شارع جانبى وطلعنى من التاكسى وقالى طلع يالا التليفون ومعاه مطوه بعد المماطله والكلام عطتهوله وقلتله على فكره فى Gps وهتتجاب لقيته قالى ايه يا صاحبى انا بهزر معاك وعطهولى، A7A

(2) A7san - (68) A7A

Feb 23, 2245 01:29 PM - مواقف قديمه - كتبو enta malk

التسجيل

مره، كان عندنا امتحان 100 ترم فى الاكاديمية دخل الدكتور بيقول حد عاوز يستفسر على حاجة قالنا شكرا دا مجرد 100 ترم طلعت بت غريبة كدة وقالت يعنى اية 100 ترم دا، A7a

(11) A7san - (28) A7A

Feb 23, 588 01:29 PM - مواقف قديمه - كتبو yasser

التسجيل

مره، من قريب حطو جرس انذار حريق في المدرسة و قالولنا لو سمعتو صوت الصفارة دي انزلوا بسرعة "المدرسة بتتحرق" و سيبو كل حاجة ,, بعدها بيوم سمعنا الصفارة ,, لاقينا المدرسة كلها نزلت و إحنا من ضمنهم ,, لما بقينا في الحوش لاقينا المستر بيقولنا ,,مفيش حاجة احنا كنا بنجرب الجرس‘‘، A7A

(6) A7san - (41) A7A

Feb 23, 7635 01:29 PM - مواقف قديمه - كتبو Bosy

التسجيل

الاكونت
اليوزرنيم الباسورد  افتكرنى
التسجيل - نسيت الباسورد؟